ٹیکسلا /اسلام آباد( لاہور نامہ) چیئرمین سی پیک لیفٹیننٹ جنرل ریٹائرڈ عاصم سلیم باجوہ نے کہا ہے کہ پاک، چین تعلقات کسی ایک حکومت تک نہیں، سدا بہار ہیں،کورونا وبا بھی سی پیک منصوبوں کو متاثر نہیں کرسکا،سی پیک کے دوسرے مرحلے سے معیشت پر بہتر اور بھرپور مثبت اثرات ہوں گے،
لاکھوں نوجوانوں کو روزگار ملے گا،ہر صوبے میں خصوصی اقتصادی زونز بنا رہے ہیں،پاکستان کو جلد منافع بخش ریلوے ملے گی، توانائی کے شعبے میں ایک منصوبہ مکمل ہوچکا اور نوتکمیل کے مراحل میں ہیں،
اربوں ڈالرز کے یہ منصوبے ملکی تقدیر بدل دیں گے،دونوں ممالک کی مثالی دوستی سے سب مستفید ہورہے ہیں،سی پیک ہر پاکستانی کی محبت کی عکاسی کرتا ہے،سی پیک، پاکستان، چین آہنی بھائی چارے، قیادت کے مابین محبت کا عکاس ہے ،دوسرے مرحلے میں داخل ہو چکا ہے ،
پاکستان میں صنعتی ترقی ،اقتصادی زونز کی بنیاد رکھی دی گئی ہے ،سی پیک کی کامیابی میں ہر ادارے اور فرد کا کردار اہم ہے،وہ جمعرات کو ایچ ایم سی اور چینی کمپنیوں کے درمیان تاریخی معاہدوں کی تقریب سے خطاب کررہے تھے،
اس موقع پر پاکستان اور چین نے ہیوی مکینیکل کمپلیکس کی بحالی کے منصوبے پر دستخط بھی کیے ،چین کی 6 بڑی کاروباری کمپنیوں نے ایچ ایم سی کیساتھ معاہدوں پر دستخط کئے ،
دستخطوں کی تقریب میں پاکستان میں متعین چین کے سفیر یا چنگ ، چیئرمین سی پیک لیفٹیننٹ جنرل(ر)عاصم سلیم باجوہ ،چیئرمین اٹامک انرجی کمیشن انجینئر محمد نعیم بھی موجود تھے جبکہ چین میں پاکستانی سفیرنغمانہ ہاشمی بذریعہ ویڈیو لنک تقریب میں شرکت کی ،
مینیجنگ ڈائریکٹر ہیوی مکینیکل کمپلیکس نے معاہدوں پر دستخط کئے جبکہ چائنا کنسٹرکشن کمپنی، شنگ لنگ ایکسپورٹ اور دیگر کمپنیوں نے دونوں ممالک کے درمیان پائے جانے والے معاہدوں پر دستخط کئے ،
معاہدوں پر دستخطوں سے ہیوی مکینیکل کمپلیکس کو جدید خطوط پر استوار کیا جائے گا۔تقریب سے خطاب کرتے ہوئے چیئرمین سی پیک لیفٹیننٹ جنرل ریٹائرڈ عاصم سلیم باجوہ نے کہا کہ ایچ ایم سی اور چینی کمپنیوں کے درمیان معاہدے تاریخی اہمیت کے حامل ہیں،ایچ ایم سی پچاس سال سے ملکی ضروریات پوری کرنے میں مصروف عمل ہے،
انجیئرنگ کے شعبے میں ایچ ایم سی کا اپنا اہم کردار ادا ہے، ایچ ایم سی نے درآمدی مشینری پر بھاری زرمبادلہ خرچ کرنے سے بچانے میں اہم کردار ادا کیا ہے،انہوں نے کہا کہ پاک چین مثالی دوستی سے سب مستفید ہورہے ہیں
