لندن ( لاہور نامہ) انگلینڈ کرکٹ بورڈ نے پاکستان کرکٹ ٹیم کے مثبت کرونا ٹیسٹ آنے والے کھلاڑیوں کو برطانیہ کا سفر کرنے سے روک دیا.
جن کھلاڑیوں کے ٹیسٹ مثبت آئے ہیں وہ اتوار کو آنے والے گروپ کے ساتھ سفر نہیں کر سکتے، انگلینڈ کرکٹ بورڈ نے بیان جاری کر دیا.
قومی کرکٹ ٹیم اتوار کو برمنگھم ایئرپورٹ پر اْترے گی جہاں وہ ووسٹر شائر میں دو ہفتے قرنطینہ کرے گی اور پھر اْسے ڈربی منتقل کیا جائے جہاں وہ تیرہ جولائی سے پریکٹس کا آغاز کرے گی.
پاکستان اور انگلینڈ کے مابین بند دروازوں کے پیچھے تین تین میچز کی ٹیسٹ اور ٹی ٹونٹی سیریز منعقد ہوں گی جس کا شیڈول جلد جاری کر دیا جائے گا۔
