اسلام آباد (لاہورنامہ) مٹیاری سے لاہور ٹرانسمیشن لائن پروجیکٹ کے لئے چائنا الیکٹرک پاور آلات اور ٹیکنالوجی کمپنی لمیٹڈ (سی ای ٹی)کے کل 76 چینی ٹیکنیشین دوسری چارٹرڈ پرواز کے زریعے پیر کو پاکستان پہنچ گئے ۔
گوادر پرو کے مطابق مٹیاری لاہور ڈی سی پاور ٹرانسمیشن پروجیکٹ چین پاکستان اقتصادی راہداری(سی پیک ) فریم ورک کے تحت ترجیحی منصوبہ ہے۔
یہ پاکستان میں ڈی سی پاور ٹرانسمیشن اور بجلی کی ترسیل اور کنورٹر کا غیر ملکی سرمایہ کاری کے لئے کھلا پہلا مقامی منصوبہ ہے ۔
یہ منصوبہ یکم دسمبر 2018 کو شروع ہوا ، اور اس کی تعمیر چا ئنہ الیکٹرک پاور آلات اور ٹیکنالوجی کمپنی لمیٹڈ نے کی جو چین کے اسٹیٹ گرڈ کارپوریشن کی ماتحت کمپنی ہے۔
اس وقت اس منصوبے میں مجموعی طور پر 1069 چینی اور 1505 پاکستانی اہلکار مصروف عمل ہیں۔
چین کی اسٹیٹ گرڈ کارپوریشن نے موژر طریقے سے کام اور پیداوار کی بحالی کو فروغ دیا ، اور چینی امدادی فنی ماہرین اور انسداد وبائی امور چارٹرڈ پروازوں کے ذریعے پاکستان بھیجے۔
مٹیاری لاہور ڈی سی پاور ٹرانسمیشن پروجیکٹ کے لئے 130 سپورٹ ٹیکنیشنز کی پہلی کھیپ 10 جون کو پاکستان پہنچی تھی ۔
سپورٹ ٹیکنیشنز کے پہلے بیچ میں سے ایک وو منگنگنگ نے کہادو ہفتوں کی آئیسولیشن کے بعد ، ہم نے کنورٹر اسٹیشنوں کے منصوبے کے دونوں حصوں پر دیکھ بھال شروع کی۔
دونوں ممالک کے مابین زبان کی رکاوٹ اور کاروباری اختلافات کے باوجود ہم نے متعدد آپریشن اور بحالی کی اسکیمیں پیش کیں ، جنہیں تعمیر میں شامل تمام فریقوں نے تسلیم کیا ۔
اگلے مرحلے میں اسٹیٹ گرڈ مٹیاری لاہور ڈی سی پاور ٹرانسمیشن پروجیکٹ کی تعمیر کو تیز کرے گا تاکہ اس بات کو یقینی بنایا جاسکے کہ اسے شیڈول کے مطابق ہی عمل میں لایا جائے۔
