ساﺅتھمپٹن(لاہورنامہ) آ ئی سی سی (ICC) ورلڈٹیسٹ چمپئن شپ میں شامل پاکستان اور انگلینڈ کے درمیان 3 ٹیسٹ میچوں کی سیریز کا تیسرا اور آخری میچ 21 اگست بروز جمعہ سے ایجز بال ساتھ ہمپٹن میں شروع ہوگا۔
انگلینڈ نے پہلے میچ میں پاکستان کو شکست دیکر 1-0 کی برتری حاصل کر رکھی ہے جبکہ دوسرا میچ بارش کی نذر ہوگیا .
اور بغیر نتیجہ کے ختم کر دیا گیا ۔
پی سی بی حکام کے مطابق(آج)جمعرات کو شام 4بجے پاکستانی وقت(دوپہر 12بجے برطانوی وقت)کے مطابق قومی اسکواڈ میں شامل ایک رکن پاکستانی اور انگلش میڈیا کے ساتھ ورچوئل میڈیا سیشن میں شرکت کریگا۔
شام 6بجے پاکستانی وقت (دوپہر 2بجے برطانوی وقت)کے مطابق قومی کرکٹ ٹیم ایجز بال میں ٹریننگ کرے گی۔
جمعہ کو دونوں ٹیموں کے درمیان میچ شروع ہوگا اور دن کے اختتام پرورچوئل پریس کانفرنس کا اہتمام ہوگا۔
