اسلام آباد (لاہورنامہ) پاک بحریہ کی ٹیموں نے بارش کے ریلیف کاموں میں بھرپور حصہ لیا ۔
ترجمان پاک بحریہ کے مطابق پاک بحریہ کی ٹیموں نے سول انتظامیہ کے ساتھ بدین میں ایل بی او ڈی نہرکے شگاف کی مرمت اور مختلف مقامات سے نکاسی آب میں حصہ لیا۔
ترجمان پاک بحریہ کے مطابق کراچی کے مختلف علاقوں سے بارش متاثرین کو محفوظ مقامات پر منتقل بھی کیا گیا.
ترجمان پاک بحریہ کے مطابق بدین میں پاک بحریہ کے میڈیکل کیمپ میں مزید ڈاکٹرز اور طبی عملہ تعینات کر دیا گیا ہے،
پاک بحریہ کے موبائل میڈیکل کیمپ اورٹیموں نے بدین کے مختلف علاقوں میں سینکڑوں افراد کو طبی امداد اور ادویات فراہم کیں.
کراچی میں کلفٹن اور ڈیفنس کے علاقوں میں میڈیکل ٹیمز نے گھروں میں محصور افراد کو طبی امداد فراہم کی۔
ترجمان پاک بحریہ کے مطابق بدین میں قائم ریلیف کیمپس میں مقیم خاندانوں میں پاک بحریہ کی جانب سے راشن بیگز تقسیم کیے گئے۔
کراچی میں یونس آباد،ککا پیر،ناظم آباد،سرجانی ٹاؤن کے علاقوں میں بارش متاثرین میں تیار شدہ کھانے کے پیکٹس تقسیم کئے گئے ۔
سرجانی ٹاؤن, یارو خان گوٹھ، یوسف گوٹھ اور خمیسو گوٹھ میں متاثرین میں مختلف اشیائے خورد ونوش کے پیکٹ بھی تقسیم کیے گئے۔
