اوکاڑہ (لاہورنامہ) پاکستان پیپلز پارٹی پنجاب کے صدر قمرزمان کائرہ نے کہا ہے کہ موجودہ حکومت کے دن گنے جا چکے ہیں اب ان کے سیاسی تابوت میں آ خری کیل ٹھونکے جانے والا ہے.
یہ حکومت اب دوبارہ کبھی زندگی بھر اقتدار میں نہیں آ سکتی .
قوم ان کو آنے والے ہر الیکشن میں مسترد کرے گی.
انہوں نے پی ایس ایف ضلع اوکاڑہ کے صدر چوہدری شکیل کی قیادت میں ملنے والے وفد سے گفتگوکرتے ہوئے کیا قمرزمان کائرہ نے کہا کہ ہر شہری کے دل کی آواز ہے کہ موجودہ حکومت ہمیشہ کے لیے ملک کی جان چھوڑ دے.
انہوں نے کہا کہ اگر موجودہ حکمرانوں نے باعزت طریقہ سے ملک کی جان نہ چھوڑی تو عوام ان کو خود نکال دے گی .
انہوں نے کہا کہ موجودہ حکمرانوں کو اب راہ فرار کی اجازت نہیں ملے گی .
قمرزمان کائرہ نے جیالوں کو کہا کہ نوجوان آنے والے الیکشن کی تیاری شروع کر دیں آنے والا وقت پیپلز پارٹی کا ہو گا.
