ماسکو (لاہورنامہ) روس نے دہشتگردی کیخلاف جنگ میں پاکستانی قربانیوں کا اعتراف کیا ہے۔
ہفتہ کو چیئر مین جوائنٹ چیفس آف سٹاف کمیٹی (سی جے سی ایس سی) جنرل ندیم رضا نے روس کا دورہ کیا.
اور روس کے چیف آف جنرل سٹاف سے ملاقات کی۔
ملاقات کے دوران دونوں ممالک کی مسلح افواج کے درمیان تعاون پر بات چیت کی گئی۔
ملاقات کے دوران دونوں ممالک کے مابین دوطرفہ فوجی تعاون کے امور اور علاقائی سلامتی کے متحرک امور پر بھی تبادلہ خیال کیا گیا۔
جنرل ندیم رضا ایس سی او کے تحت ہونے والی دفاع اور سکیورٹی میں تعاون پر سلسلے پر روس کا دورہ کر رہے ہیں۔
جنرل ویلیری نے پاک فوج کی پیشہ ورانہ مہارت کی تعریف کی اور دہشتگردی کے خلاف جنگ میں پاکستان کی قربانیوں کا اعتراف کیا۔
جنرل ندیم رضا ماسکو میں ‘انٹرنیشنل ملٹری گیمز 2020 کی اختتامی تقریب میں بھی شرکت کریں گے۔
پاک فوج گزشتہ تین سالوں سے مذکورہ مقابلوں میں حصہ لے رہی ہے۔
