لاہور(لاہورنامہ)ناموراداکارہ ثناجاویدنے کہا ہے کہ میں سینئر ادکار نعمان اعجازکی سب سے بڑی مداح ہوں،
نجی ٹی وی سے آن ائیر ڈرامہ سیریل ”ڈنک ”میں نعمان اعجاز کے ساتھ کام کررہی ہوں جس میں وہ اپنے فن کی بلندیوں پر نظر آرہے ہیں۔
انہوں نے کہا کہ میری خوش قسمتی ہے کہ مجھے نعمان اعجازکے ساتھ کام کرنے کا موقع ملاہے اور میرے جیسے بہت سے فنکار ان کی فن اداکاری پر رشک کرتے ہیں۔
انہوں نے کہا کہ میں نے مذکورہ ڈرامہ سیریل میں منفرد کرداراداکیا ہے ۔اس ڈرامہ سیریل میں منفی کردارادا کیا ہے جس کو پرستارمدتوں یاد رکھیں گے۔
انہوں نے کہا کہ کوئی بھی ڈرامہ سیریل صرف ٹیم ورک کی صورت میں کامیابی سے ہمکنارہوتی ہے کیونکہ ٹیم ورک کی وجہ سے آپ ایک دوسرے کو گائیڈ کرتے ہیں اور اس طرح کوئی بھی پراجیکٹ مشترکہ ہو جاتا ہے۔۔
