اسلام آباد(آئی این پی) اسپیکر قومی اسمبلی اسد قیصر سے آزاد جموں کشمیر کے صدر سردار مسعود خان کی پارلیمنٹ ہاﺅس میں ملاقات،ملاقات میں چیئر مین پارلیمانی برائے کشمیر شہریار آفریدی بھی موجودملاقات میں مقبوضہ کشمیر کی موجودہ صورت حال سمیت باہمی دلچسپی کے اہم امور پر تبادلہ خیال کیا گیا ،
اس موقع پر گفتگو کرتے ہوئے اسپیکر قومی اسمبلی نے کہا کہ کشمیر پاکستان کی شہہ رگ ہے اور پاکستان کبھی اس سے غافل نہیں ہو سکتا، پاکستانی عوام اور حکومت کشمیری عوام اور کشمیر میں ہونے والے ظلم و بربریت کی شدید مذمت کرتے ہیں، کشمیری عوام کا بھارتی مظالم اور برابریت کے سامنے غیر متزلزل جذبہ حق خوداردیت کی دنیا میں مثال نہیں ملتی، دنیا مقبوضہ کشمیر میں انسانی حقوق کی پامالیوں اور کشمیری عوام کے قتل عام کا نوٹس لے،
سپیکرقومی اسمبلی نے کہا کہ بھارت مسئلہ کشمیر سے توجہ ہٹانے کے لیے اوچھے ہتھکنڈے استعمال کر رہا ہے،مسئلہ کشمیر کے حل کے بغیر خطے میں امن کا قیام ممکن نہیں ، مسئلہ کشمیر اقوام متحدہ کی قراردادوں کی روشنی میں حل کیا جائے،
پاکستان کاپارلیمان کشمیری عوام کے حقِ خود ارادیت اور جدوجہد آزادی کی مکمل حمایت کرتاہے ، پاکستان کی پارلیمنٹ میں مسئلہ کشمیر کو عالمی سطح پر اجاگر کرنے کے لیے بھرپور اقدامات اٹھے گئے ہیں، اسپیکر اسد قیصر نے کہا کہ قائمہ کمیٹیاں برائے انسانی حقوق، خارجہ امور اور کشمیر کمیٹی کو مسئلہ کشمیر کو عالمی سطح پر اجاگر کرنے کے لیے ہدایات کی گئیں ہیں،
کشمیری عوام کل بھی پاکستان کے ساتھ کھڑے تھے اور آج بھی پاکستان کے ساتھ کھڑے ہیں،بھارت اقوام متحدہ کی قرارداد کے مطابق مسئلہ کشمیر حل کرے اور وہاں پر جاری نہتے کشمیریوں پر ظلم و بربریت فوری بند کرے، صدر آزاد کشمیر نے کہا کہ ملک کی سالمیت اور بقا کے لیے پوری قوم متحد ہے
اور ہر جارحیت کا بھرپور جواب دینے کی صلاحیت رکھتی ہے، موجودہ حکومت نے کشمیر میں بھارتی افواج کی طرف سے انسانی حقوق کی خلاف ورزیوں کو بھرپور انداز میں عالمی سطح پر اجاگر کیا ہے ، پاکستان کی طرف سے مقبوضہ کشمیر کی عوام کے ساتھ اظہارِ یکجہتی اور مسئلہ کشمیر کے پر امن حل کے لیے کاوشیں قابلِ ستائش ہیں،
سردار مسعود خان نے کہا کہ مقبوضہ کشمیر کی سنگین صورتحال پر عالمی پارلیمانوں نے بھرپور انداز میں آواز اٹھائی ہے، سردار مسعود خان نے پارلیمانی سفارتکاری کے ذریعے مسئلہ کشمیر کو علاقائی و عالمی سطح پر اجاگر پر اسپیکر قومی اسمبلی کو خراج تحسین پیش کیا۔
