لاہور( لاہور نامہ)نامور اداکارہ نوربخاری نے کہا ہے کہ شوبز کو چھوڑ کر پر سکون زندگی بسر کر رہی ہوں اورمیرا واپسی کا قطعی کوئی ارادہ نہیں ، مجھے شوبز سے شہرت ملی لیکن اطمینان نہیں تھا اورروز انہ ارادہ کرتی تھی کی اس کو خیر باد کہہ دوں ۔
نوربخاری نے کہا کہ ایک روحانی شخصیت سے ملاقات نے زندگی بدل دی اورمیں نے شوبز کو خیر باد کہہ دیا اور اب مطمئن زندگی بسر کر رہی ہوں ۔
انہوں نے کہا کہ انسان کی زندگی میں نیت کی بڑی اہمیت ہے اورعمل کا دارومدار اسی پر ہے ۔ انہوں نے کہاکہ میری کوشش ہوتی ہے کہ کسی نہ کسی طرح خداکی ذات کا قرب حاصل ہو جائے ۔
رب کائنات نے ہمیں اپنی بندگی کیلئے پیدا کیا ہے اور دنیا اور آخرت میں کامیابی کے لئے اس کی بندگی بہت ضروری ہے ۔
