لاہور (لاہور نامہ) مسلم لیگ (ن) کے مرکزی رہنما وپنجاب اسمبلی میں قائد حزب اختلاف حمزہ شہباز نے کہا ہے کہ سینیٹ الیکشن کے حوالے سے سپریم کورٹ سے رجوع کرنے کے معاملے پرحکومت کی بوکھلاہٹ نظر آ رہی ہے،
الیکشن کمیشن نے ڈسکہ انتخابات پر ایکشن لے کر اچھی مثال قائم کی ،تمام اداروں کو اپنا اپنا کردار ادا کرنا ہو گا ،یوسف رضا گیلانی اچھے امیدوار ہیں،امید ہیں یوسف رضا گیلانی جیتیں گے،
ڈوبتی معیشت کو سہارا نہ دیا گیا تو قوم کے پاس پچھتاوے کے لئے کچھ نہیں ہو گا ،ایسی حکمت عملی بنانا ہو گی جس سے غربت کا خاتمہ کیا جائے ۔
پنجاب اسمبلی میں قائد حزب اختلاف حمزہ شہباز نے اسلام آباد روانگی کے موقع پر اپنی رہائشگاہ ماڈل ٹائون کے باہر کیا ۔ حمزہ شہباز نے کہاکہ یوسف رضا گیلانی ہمارے متفقہ امیدوار ہیں، وہ اچھی شہرت کے حامل امیدوار ہیں ،امید ہے کہ یوسف رضا گیلانی جیتنے میں کامیاب ہوں گے ۔
لوگوں میں تذبذب ہے ،ہم اپنی پوری کاوش کرینگے کہ ہمیں اپنی نشستوں کے تناسب سے پوری نشستیں ملیں ۔انہوں نے کہاکہ پونے 2 سال ارتقائی عمل تھا، عوام کو ایک کروڑ نوکریوں اور 50 لاکھ گھروں کا کہا گیا ،آج وہ وعدے ہوا میں اڑ گئے ہیں ۔
فارن فنڈنگ کیس میں کوئی پیش رفت نہیں ہو رہی ،احتساب کا نعرہ بلند کرنے والے بی آر ٹی کیس میں حکم امتناعی کے پیچھے چھپے ہیں ۔آٹا، چینی، ادویات سکینڈل سمیت متعدد سکینڈل ہیں ،اس ملک میں لوگ بجلی کا بل تک ادا کرنے کے قابل نہیں رہے ،مفت ادویات اور ڈائیلسز کا سلسلہ ختم ہو چکا ہے ،
لوگوں کو علم ہی نہیں کہ کورونا ویکسین پر حکومتی پالیسی کیا ہے؟،آج کپاس کی پیداوار انتہائی کم ہو چکی ہے ،چینی 135 روپے فی کلو تک جانے کا امکان ہے،2 دہائیوں سے واویلہ ہو رہا ہے ،
کالا باغ ڈیم پر اتفاق رائے نہیں ہو سکا اور وہ سیاست کی نذر ہو گیا ،دیامر بھاشا ڈیم کے لئے زمین ہم نے خریدی، موٹر ویز بنائیں ،آج دیامر بھاشا ڈیم پر حکومت کی کیا پالیسی ہے؟،10، 15 سال بعد پانی پر لڑائیاں ہوں گی تو قوم ہمیں مورد الزام ٹھہرائیں گے ،
آج ہم پی ڈی ایم کے پلیٹ فارم پر عوام کے مسائل کی جنگ لڑ رہے ہیں ،لوگ بھوک سے مر رہے ہیں ،تمام اسٹیک ہولڈر کو مل بیٹھ کر سوچنے کی ضرورت ہے ۔ڈوبتی معیشت کو سہارا نہ دیا گیا تو قوم کے پاس پچھتاوے کے لئے کچھ نہیں ہو گا ،ایسی حکمت عملی بنانا ہو گی کہ غربت کا خاتمہ کیا جائے ،ہمیں سب کو مل بیٹھ کا جانا ہو گا
،آج پونے 3 سال بعد بھی اس جیسا دور کبھی قوم نے نہیں دیکھا ،آج لاہور میں کوئی کوڑا اٹھانے والا کوئی نہیں حالانکہ شہباز شریف نے اس پنجاب کو صاف ستھرا کر دیا تھا ۔
فوج نے آپریشن رد الفساد سے ملک میں امن قائم کیا ،تمام اداروں کو مل کر کام کرنا ہو گا۔انہوں نے کہاکہ یوسف رضا گیلانی اچھے امیدوار ہیں،امید ہیں یوسف رضا گیلانی جیتیں گے۔انہوں نے کہاکہ آرڈیننس ہی لانا تھا تو اپوزیشن کو ساتھ بٹھاتے ۔
