کراچی(لاہور نامہ ) چیئرمین سینیٹ صادق سنجرانی نے ایوان میں موجود تمام جماعتوں کو ایک ساتھ لیکر چلنے کے عزم کا اعادہ کیا ہے۔
دوسری بار چیئرمین سینیٹ منتخب ہونے کے بعد صادق سنجرانی کراچی پہنچے ، جہاں انہوں نے مزار قائد پر حاضری دی اس موقع پر ڈپٹی چیئرمین سینیٹ مرزا محمد آفریدی بھی ان کے ہمراہ تھے۔ مزار قائد آمد پرچیئرمین اور ڈپٹی چیئرمین سینیٹ نے فاتحہ خوانی کی اور ملک کی سلامتی کی دعائیں مانگی، بعد ازاں دونوں شخصیات نے مہمانوں کی کتاب مین اپنے تاثرات درج کئے۔
مزار قائد پر حاضری کے بعد گفتگو کرتے ہوئے چیئرمین سینیٹ صادق سنجرانی نے کہا کہ ایک بار پھر ایوان بالا کا چیئرمین منتخب کرانے پر تمام اراکین کا تہہ دل سے شکریہ ادا کرتا ہوں۔
صادق سنجرانی نے کہا کہ جیسے سہل انداز میں ایوان بالا کو چلایا، ویسے ہی چلاں گا اور ایوان میں موجود تمام جماعتوں کو ساتھ لیکر چلوں گا۔
