اسلام آباد (لاہورنامہ)پاکستان کے معروف ممتاز فنکار فاروق قیصر عرف ‘انکل سرگم’اسلام آباد میں انتقال کر گئے۔فاروق قیصر کے نواسے نے انتقال کی تصدیق کر دی.
فاروق قیصر نے اپنے مشہور کردار انکل سرگم سے معاشرتی مسائل اجاگر کیے، وہ 1976ء سے پی ٹی وی کے ساتھ منسلک رہے۔ وہ عارضہ قلب میں مبتلا تھے۔ انہوں نے ایک بیٹا اور دو بیٹیاں سوگوار چھوڑے ہیں۔
صدر مملکت عارف علوی ‘ وزیراعظم عمران خان اور اپوزیشن لیڈرشہباز شریف نے فاروق قیصر کے انتقال پر گہرے دکھ اور افسوس کا اظہار کیا ہےـیاد رہے کہ فاروق قیصر 13 اکتوبر 1945ء کو سیالکوٹ میں پیدا ہوئے تھے۔
والد کی سرکاری نوکری کی وجہ سے یہ پاکستان کے مختلف شہروں میں گھومتے رہے اور ان کا تعلیمی سفر بھی مختلف شہروں میں تکمیل تک پہنچا یعنی میٹرک پشاور سے ، ایف اے کوئٹہ سے اور گریجویشن نیشنل کالج آف فائن آرٹس لاہور سے کیا جبکہ فائن آرٹس میں ماسٹرز انہوں نے رومانیہ سے کیاجبکہ 1999ء میں کیلیفورنیا امریکا سے ماس کمیونی کیشن میں بھی ماسٹرز کیا ہے۔
فاروق قیصر نے 70 کے اوائل میں نیشنل کالج آف فائن آرٹس لاہور سے گریجویشن کے بعد فنی زندگی کا آغاز کیا، فنکار،صحافی، ٹی وی شو ہدایت کار، پتلی باز، اسکرپٹ مصنف اور صوتی اداکار ہے۔
قیصر اپنی کامکس کتابوں کی وجہ سے مشہور ہیں۔ قیصر کی بنیادی وجہ شہرت انکا افسانوی کردار انکل سرگم جو پہلی بار 1976 میں بچوں کے اردو زبان کے پروگرام کلیاں میں ادا کیا گیا۔
