لاہور: اسٹیج اور ٹی وی کی خوبرو اداکارہ روشنی نے کہاہے کہ شوبز کی دنیا میں کامیابیوں کا تسلسل رکھنا مشکل کام ہے ۔انہوںنے خصوصی گفتگو کرتے ہوئے کہا کہ یہ بات حقیقی ہے کہ اس شعبے میں جیلسی کا عنصر بہت زیادہ موجود ہے اور کوئی بھی اداکارہ دوسرے کی کامیاب کو ہضم نہیں کر پاتی لیکن اگرہم سب تقدیر کے سامنے جھکنا سیکھ لیں تو حسد کی عادت ہم میں سے نکل سکتی ہے ۔انہوں نے کہا کہ میں نے بھرپور محنت کر کے شوبز کی دنیا میں اپنا نام بنایاہے مگر شکر ہے کہ شہرت نے میرے دماغ کو خراب نہیں کیا ،عاجزی اور انکساری پہلے سے زیادہ مجھ میں آگئی ہے ۔تکبر ویسے بھی خدا کی ذات کو پسند نہیں اسی لیے ہر شخص کو اس سے دور رہنا چاہیے اور دوسروں کی کامیابیوں سے خوش ہونا مشکل کام ہے مگر میں یہ بات دل کی گہرائیوں سے کہتی ہوں کہ دوسروں کی کامیابیوں سے دلی خوشی محسوس کرتی ہوں۔
