اسلام آباد (لاہورنامہ)مسلم لیگ (ن) کے سینئر رہنما احسن اقبال نے کہا ہے کہ سلیبس ختم کرائے بغیر امتحان لینا ظلم ہے۔ بچے حکومت سے جہانگیر ترین والا این آر او تو نہیں مانگ رہے ہیں۔
احسن اقبال نے کہا کہ حکومت کو قوم کے بچوں اور بچیوں کی آواز سنائی نہیں دے رہی ہے۔انہوں نے کہا کہ حکومت مافیاز کی آواز کے آگے تو گھنٹوں کے بل گر جاتی ہے تاہم قوم کے بچوں کی آواز اسے سنائی نہیں دی۔
ن لیگی رہنما نے کہا کہ قوم کے بچے حکومت سے جہانگیر ترین والا این آر او تو نہیں مانگ رہے ہیں، وہ صرف انصاف چاہتے ہیں۔اْنہوں نے کہاکہ سلیبس ختم کرائے بغیر امتحان لینا ظلم ہے، شفقت محمود صاحب، جب سپلیمنٹری لینا ہے تو اسے ہی سالانہ امتحان کیوں نہیں بنادیتے؟۔
