لاہور(لاہورنامہ)مسلم لیگ(ن) پنجاب کی ترجمان عظمیٰ بخاری نے کہا ہے کہ مسلم لیگ(ن)کل بھی متحد تھی،آج بھی متحد ہے اور ہمیشہ متحد رہے گی۔
خادمہ باجی آپ ہماری تکلیف میں ہلکان ہونے کی بجائے بھان متی کے کنبے کو اکٹھا کرکے لولی لنگڑی بنائی گئی حکومت کی فکر کریں ۔مسلم لیگ(ن) میں نقب زنی کرنے والے ہر دور میں رسواءہوئے ہیں۔خادمہ جی،ن سے ش نکالتے نکالتے مشرف دبئی فرار ہو گیا ۔
شہبازشریف اپنے بھائی کے ساتھ ڈٹ کر کھڑا ہے۔مسلم لیگ(ن) پنجاب کی ترجمان عظمیٰ بخاری کا فردوس عاشق کے بیان پر ردعمل میں کہا شہباز شریف بھائی کا ساتھ دینے کی وجہ سے چار بار جیل جاچکے ہیں۔شہبازشریف کو دو بار وزیراعظم بننے کی آفر ملی لیکن انہوں نے وزارت عظمیٰ کی کرسی پر نوازشریف کا ساتھ دینے کو ترجیح دی۔
کرائے کے گھوڑے آج نوازشریف اور شہبازشریف کا مقابلہ کرانے کی کوششیں کررہے ہیں۔نوازشریف اور شہبازشریف مسلم لیگ(ن) کےلئے لازم ملزوم ہیں ۔تانگہ پارٹی اپنے مستقبل کی فکر کرے ،عمران خان نے آب حیات نہیں پیا۔
