چلاس(لاہورنامہ) ناران نیشنل ہائی وے آئندہ تین روز کے لیے بند کردی گئی، تفصیلات کے مطابق دیا مر انتظامیہ کے مطابق چلاس اور بابوسر جانے والے ناران نیشنل ہائی وے کو آئندہ تین روز کے لیے بند کردیا گیا ہے،
دیا مر انتظامیہ کا اس حوالے سے کہنا ہے کہ آئندہ تین روز کے دوران ناران روڈ پر موجود ملبے کو ہٹانے کا کام کیا جائے گا،بابو سر ناران نیشنل ہائی وے کو بارشوں کے بعد آنے والے سیلابی ریلے کے باعث بند کیا گیا تھا، چلاس سڑک کی بندش سے مسافروں اور سیاحوں کی بڑی تعداد پھنس کر رہ گئی ہے۔
