لاہور(لاہورنامہ)مسلم لیگ(ن) کی رکن پنجاب اسمبلی حناپرویز بٹ نے کہا ہے کہ مریم نواز نوجوان طبقے کےلئے جرات اور بہادری کی مثال بن چکی ہیں۔
مریم نواز جس دن بھی عوام کے درمیان آتی ہیں ، کرایے کے ترجمان پریشان ہو جاتے ہیں۔عمران خان جب عوام روز مہنگائی کے نئے تحفے دینگے تو عوام ان سے خوش کیسے ہو سکتے ہیں ۔
تین سال سے قوم پر ایک نالائق ٹولہ مسلط ہے جس کا دن رات کام صرف مسلم لیگ(ن) کی لیڈر شپ پر کیچڑ اچھالنے کے بہانے تلاش کرنا ہے۔جو حکومتی وزراءنئی کیسز بنانے اور گرفتاریوں کی پیشگوئیاں کررہے ہیں وہ سب جلد عوام کے پکڑ میں آنے والے ہیں۔
جھوٹ اور صرف جھوٹ کے سہارے کھڑی حکومتی عمرات جلد زمین بوس ہوگی۔پی ڈی ایم کے لانگ مارچ کے اعلان کی وجہ سے حکومتی حلقوں میں ہلچل مچ چکی ہے ۔عمران خان ماضی میں کہتے تھے ہم ان کو کنٹینٹر اور بریانی دینگے اور اب عمران صاحب آپ کو آپ کا ہی وعدہ یاد لارہے ہیں۔کنٹینر اور بریانی تیار رکھیں۔انشاءاللہ جلد پی ڈی ایم کی جماعتیں اسلام آباد کی جانب مارچ کریں گئیں۔
