لندن (لاہورنامہ)گورنر اسٹیٹ بینک رضا باقر نے کہا ہے کہ اوور سیز پاکستانیوں کے لیے وزیراعظم کا پیغام لے کر آیا ہوں، اب تک 2 لاکھ 60 ہزار روشن ڈیجیٹل اکائونٹ کھل چکے ہیں، جن کے ذریعے 2.6 ارب ڈالر پاکستان آئے ہیں۔
گورنر اسٹیٹ بینک رضا باقر نے کہا کہ آئی ایم ایف کے ساتھ مذاکرات مثبت انداز میں آگے بڑھ رہے ہیں، مہنگائی پوری دنیا میں ہورہی ہے، امریکا میں جو مہنگائی ہے وہ پچھلے 30 سالوں میں نہیں ہوئی۔گورنر اسٹیٹ بینک کا کہنا تھا کہ تیل کی قیمت بڑھنے سے مہنگائی میں اضافہ ہورہا ہے،
ایکسچینج ریٹ جون 2019 سے مارکیٹ پر چھوڑ دیا گیا ہے، ادائیگیوں کا دبائو اس لیے ہے کہ ہماری معیشت بہتر ہورہی ہے۔انہوں نے کہا کہ اوور سیز پاکستانیوں کے لیے وزیراعظم کا پیغام لے کر آیا ہوں۔
