لاہور( لاہورنامہ) پنجاب اسمبلی کی قائمہ کمیٹی برائے داخلہ کی چیئر پرسن مسرت جمشید چیمہ نے کہا کہ اپوزیشن جماعتوں کے اپنے اپنے مفادات ہیں اس لئے ان کا ایک نقطے پر متفق ہونا ممکن دکھائی نہیں دیتا.
آج اپوزیشن کی سیاست کی یہ حالت ہے کہ مولانا فضل الرحمان قیادت کر رہے ہیں اور جس اتحاد کی سیاست مولانافضل الرحمان کررہے ہوںاس کے بارے میں نتیجہ اخذ کرنامشکل نہیں۔
مسرت جمشید چیمہ نے کہاکہ ہمیں اپوزیشن کی سر گرمیوں پر کوئی اعتراض نہیں لیکن انتشار پھیلانے سے گریز کرنا چاہیے اور مثبت اپوزیشن کا کردار ادا کرنا چاہیے۔ عوام نے تحریک انصاف کی حکومت کو پانچ سال کا مینڈیٹ دیا ہے، اپوزیشن کی ”معصومانہ خواہش ”کو پورا کرنے کیلئے قبل از وقت انتخابات نہیں کرائے جاسکتے ،اپوزیشن کے وسط مدتی انتخابات کے نعرے سیاسی ہیں ۔مسلم لیگ (ن) جو اس وقت قیادت کے بحران میں مبتلا ہے کیا وہ نئے عام انتخابات میں جانے کی متحمل ہو سکتی ہے؟
یہی صورتحال پیپلز پارٹی کی بھی ہے جسے سندھ میں اپنی سیاسی بقاء کا سامنا ہے ۔این اے 133کے عوام اپنی محرومیوں کا ازالہ چاہتے ہیں اس لئے وہ ضمنی انتخاب میں تحریک انصاف کے امیدوار کو کامیاب کرائیں گے۔
