اسلام آباد (لاہورنامہ) پاکستان پیپلز پارٹی کے چیئرمین بلاول بھٹو زرداری نے شہید محترمہ بینظیر بھٹو کو ان کی 14 ویں برسی پر خراج عقیدت پیش کرتے ہوئے کہا ہے کہ شہید محترمہ بینظیر بھٹو کے قومی جذبے، طویل جدوجہد اور مضبوط قیادت کو قوم کبھی فراموش نہیں کرے گی۔
شہید محترمہ بینظیر بھٹو ایک تحریک اور مشعلِ راہ ہے۔ انہوں نے کہاکہ شہید محترمہ بینظیر بھٹو کے قومی جذبے، طویل جدوجہد اور مضبوط قیادت کو قوم کبھی فراموش نہیں کرے گی۔بلاول بھٹو زرداری نے کہا کہ شہید محترمہ بینظیر بھٹو ایک مثالی عالمی لیڈر تھیں،شہید محترمہ بینظیر بھٹو نے پاکستان میں بڑی بہادری سے جمہو ریت کے لیے تاریخی جدوجہد کی۔
بلاول بھٹو زرداری نے کہاکہ انہوں نے ملک کو بانی اجداد کے فکر و وژن کی روشنی میں حقیقی فلاحی ریاست بنانے کے لیئے اقدام کیئے۔ انہوںنے کہاکہ شہید محترمہ بینظیر بھٹو کا روالپنڈی میں قتل صرف عوام کو غربت، بیروزگاری اور ناانصافیوں سے نجات دلانے کے خواب کا قتل نہیں تھابلکہ شہید محترمہ بینظیر بھٹو کا قتل پوری قوم کو قتل کرنے کی سازش تھی۔ انہوںنے کہاکہ پاکستان کے خلاف اْس گہنونی سازش کو سابق صدرِ مملکت آصف علی زرداری نے ”پاکستان کھپے”کے نعرے سے ناکام بنایا۔
بلاول بھٹو زرداری نے کہاکہ شہید محترمہ بینظیر بھٹو ہمہ گیر شخصیت کی مالک تھیں۔ انہوں نے کہاکہ انہوں نے بطور ایک عوامی رہنما پاکستان میں اتحاد، ہم آہنگی اور ترقی پسند سوچ کو فروغ دیا،شہید محترمہ بینظیر بھٹونے عوام کے سیاسی و معاشی حقوق کی حفاظت کی ۔
انہوں نے کہاکہ بطور وزیراعظم انہوں نے شدید مخالفت و رکاوٹوں کے باوجود ملک میں عوام دوست پالیسیاں متعارف کرائیں۔ انہوںنے کہاکہ انہوں نے عوامی خدمت پر مبنی بیشمار اقدامات کئے اور عالمی سطح پر پاکستان کے درست امیج کو اجاگر کیا۔
انہوں نے کہاکہ شہید محترمہ بینظیر بھٹو کی جانب سے مادرِ وطن کی دفاع کے لیئے میزائیل ٹیکنالاجی کا تحفہ ایک ناقابلِ فراموش تحفہ ہے۔ انہوں نے کہاکہ شہید محترمہ بینظیر بھٹو نے اپنی جدوجہد کے دوران آمریتی کرگسوں کے ہاتھوں انتھائی مظالم کا سامنا کیا،انہوں نے آمریتی قوتوں کے ہاتھوں اپنے والد، دو بھائیوں اور حتیٰ کہ اپنی والدہ کو گنوایا۔
انہوں نے کہاکہ شہید محترمہ بینظیر بھٹو نے بھی زندگی کی آخری گھڑی تک جمہوریت کی لڑائی لڑتے ہوئے جامِ شہادت نوش کیا۔ انہوں نے کہاکہ اس دن یہ عہد کرنے کا دن ہے کہ پاکستان سے دہشتگردی و انتھاپسندی کا خاتمہ کریں گے۔ انہوں نے کہاکہ یہ بھی عہد کریں کہ جمہوریت کی مضبوطی، آئین و پارلیمان کی بالادستی، اور معاشرتی مساوات کے لیئے جدوجہد جاری رکھیں گے کیونکہ شہید محترمہ بینظیر بھٹو کو اس کے علاوہ خراج عقیدت پیش کرنے کا کوئی اور بھتر طریقہ نہیں ہوسکتا.
