لاہور (لاہورنامہ) وزیر اعلیٰ پنجاب سردار عثمان بزدارنے ڈیرہ غازی خان میں زیر تعمیر انسٹی ٹیوٹ آف کارڈیالوجی کا دورہ کیا۔ وزیراعلیٰ عثمان بزدار نے سردار فتح محمد بزدار انسٹی ٹیوٹ آف کارڈیالوجی کی تعمیراتی سرگرمیوں کا جائزہ لیا اور عمارت کی تعمیر پر ہونے والی پیشرفت کا معائنہ کیا-
حکام نے وزیر اعلیٰ عثمان بزدار کوکارڈیالوجی انسٹی ٹیوٹ پراجیکٹ کے بارے میں بریفنگ دی- وزیر اعلیٰ عثمان بزدار نے انسٹی ٹیوٹ آف کارڈیالوجی کی تعمیر پر ہونے والی پیشرفت پر اطمینان کا اظہارکیا- وزیر اعلی عثمان بزدارنے تعمیراتی کاموں کو مزید تیزکرنے کی ہدایت کرتے ہوئے کہاکہ سردار فتح محمد بزدار انسٹی ٹیوٹ آف کارڈیالوجی ہسپتال پر 2 ارب روپے لاگت آئے گی۔
200 بستروں پر مشتمل یہ ہسپتال ڈیرہ غازی خان کے لوگوں کے لئے ایک تحفہ ہے -100 بیڈزپر مشتمل پہلے مرحلے میں رواں برس کے اوائل میں فنکشنل کیا جائے گا۔وزیراعلیٰ عثمان بزدارنے مزید کہاکہ انسٹی ٹیوٹ آف کارڈیالوجی مقررہ وقت میں مکمل ہو گا – انسٹی ٹیوٹ کے تعمیراتی کاموں میں اعلی معیار کو یقینی بنایا جارہا ہے –
فلاح عامہ کے منصوبوں میں اعلی معیار پر کوئی سمجھوتہ نہیں ہو گا- میں خود ترقیاتی منصوبوں کا آن گراؤنڈ جاکر جائزہ لیتا ہوں اور تعمیراتی کام کو چیک کرتا ہوں۔ وزیراعلیٰ عثمان بزدار نے کہاکہ سردار فتح محمد بزدار انسٹی ٹیوٹ آف کارڈیالوجی میں علاج معالجے کی اسٹیٹ آف آرٹ سہولتیں فراہم کی جائیں گی۔نہ صرف جنوبی پنجاب کے لوگوں کو اس انسٹی ٹیوٹ میں سٹیٹ آف دی آرٹ علاج معالجے کی سہولتیں ملیں گی بلکہ بلوچستان اور سندھ کے لوگ بھی اس انسٹی ٹیوٹ میں علاج کرا سکیں گے –
وزیراعلیٰ عثمان بزدار نے کہاکہ سابق دور میں جنوبی پنجاب میں لوگوں کو معیاری علاج معالجے کی سہولتوں سے محروم رکھا گیا- سابق حکمرانوں نے جنوبی پنجاب کے عوام کی محرومیوں میں اضافہ کیا- ہم جنوبی پنجاب کے عوام کی محرومیوں کو ختم کر کے دم لیں گے -صوبائی وزیر صحت ڈاکٹر یاسمین راشد، مشیرحنیف پتافی، ایم پی اے سردار احمد علی دریشک، ترجمان پنجاب حکومت حسان خاور اور متعلقہ حکام بھی اس موقع پر موجود تھے-
