لاہور(لاہورنامہ) پنجاب انفارمیشن ٹیکنالوجی بورڈ کی وضع کردہ ای پے موبائل ایپ پر ٹریفک چالان کی ادائیگیوں کا آغاز، فیصل آباد سمیت پنجاب بھر کے شہری ٹریفک قوانین کی خلاف ورزی پر ہونے والے چالان موبائل ایپ کے ذریعے ادا کر سکیں گے۔
فیصل آباد سمیت پنجاب بھر میں ٹریفک چالان کی ای پے کے ذریعے آن لائن وصولی کا آغاز ہو گیا ہے۔ اب لاہور سمیت پنجاب کے 36 اضلاع کے شہری ٹریفک چالان ایک کلک پر جمع کرا سکیں گے۔ ای پے پنجاب سے اب تک 67 ارب روپے سے زائد ٹیکس ریونیو وصول ہو چکا ہے۔ ای پے پنجاب سے ٹرانزیکشنز ایک کروڑ تیس لاکھ سے تجاوز کر گئیں۔
چیئرمین پنجاب آئی ٹی بورڈ آصف بلال لودھی کہتے ہیں آن لائن ادائیگی سے شہریوں کو وقت کی بچت اور قطاروں سے نجات ملے گی، ای پے پنجاب سے 10محکموں کے 21 محصولات آن لائن ادا کئے جا سکتے ہیں۔
