لاہور (لاہورنامہ)وزیراعلیٰ پنجاب سردار عثمان بزدار کا کہنا ہے کہ اپوزیشن نے اپنے دور حکومت میں عوام کیلئے کچھ نہیں کیا۔وزیراعلیٰ پنجاب عثمان بزدار نے کہا کہ عدم اعتماد کی باتیں کرنے والے شوق پورا کرلیں.
پہلے کی طرح اس بار بھی شرمندگی کے سوا کچھ ہاتھ نہیں آئے گا۔عثمان بزدار نے کہا کہ اپوزیشن نے اپنے دور حکومت میں عوام کیلئے کچھ نہیں کیا، عوام بخوبی جانتے ہیں کہ اپوزیشن صرف عدم اعتماد کے شوشے چھوڑ رہی ہے۔وزیراعلیٰ پنجاب نے کہا کہ اپوزیشن کو یہ بات جان لینی چاہیئے کہ جو گرجتے ہیں وہ برستے نہیں.
پی ٹی آئی متحد اور حکومت پہلے سے زیادہ مضبوط ہے۔عثمان بزدار کا کہنا تھا کہ یہ لوگ عدم اعتماد کی باتیں صرف اپنا دل بہلانے کیلئے کر رہے ہیں، عدم اعتماد نمبر گیم ہے اور پی ٹی آئی کو سبقت حاصل ہے۔انہوں نے مزید کہا کہ ہماری حکومت نے عوام کی خدمت کی ہے۔
