نیویارک (لاہورنامہ) دنیا کی مقبول ترین یوٹیوب ویڈیو بے بی شارک پر اب فلم بھی بنے گی۔
امریکی میڈیا کے مطابق بچوں کے مقبول ترین گانے بے بی شارک یوٹیوب پر سب سے زیادہ دیکھی جانے والی ویڈیو ہے۔ وہ دنیا کی پہلی یوٹیوب ویڈیو ہے جس کے ویوز کی تعداد 10 ارب سے زیادہ ہے۔ اگر یوٹیوب پر اس مقبول ترین ویڈیو کو دیکھ دیکھ کر بھی دل نہیں بھرا تو اب جلد سنیما گھروں میں بھی اس کا جادو چلتا ہوا نظر آئے گا۔
بے بی شارک پر اب فلم بن رہی ہے جو 2023 میں ریلیز ہوگی۔دنیا بھر میں مقبول بچوں کے گانے بے بی شارک کو جون 2016 میں یوٹیوب پر پہلی مرتبہ اپ لوڈ کیا گیا تھا جو امریکی کیمپ فائر سانگ کا ری مکس ہے اور یہ جنوبی کوریا کے دارالحکومت سیول میں واقع پروڈکشن کمپنی پنک فونگ نے جاری کیا تھا۔
