اسلام آباد (لاہورنامہ) وزیراعظم عمران خان کے خلاف تحریک عدم اعتماد کے معاملے پر مشاورت کیلئے حکومت مخالف اپوزیشن اتحاد پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمن اور سابق صدر آصف علی زرداری کے درمیان ملاقات طے پا گئی ہے۔
میڈیا رپورٹ کے مطابق سابق صدر آصف زرداری (آج) پیر کو مولانا فضل الرحمن سے ان کی رہائش گاہ پر ملاقات کریں گے۔ذرائع کے مطابق دونوں سیاسی شخصیات کی ملاقات میں حکومت کے خلاف تحریک عدم اعتماد سے متعلق مشاورت اور حکومتی اتحادیوں سے رابطوں پر تبادلہ خیال کیا جائیگا۔ ذرائع کے مطابق ملاقات میں ملکی سیاسی صورتحال پر بھی گفتگو ہو گی ۔اس موقع پر مولانا فضل الرحمن سابق صدر آصف زرداری کے اعزاز میں عشائیہ بھی دیں گے۔
