لاہور:لاہور ہائی کورٹ نے پنجاب پبلک سروس کمیشن کی طرف سے 22 اسسٹنٹ پروفیسروں کی تقرریوں کے خلاف درخواست پر سماعت کرتے ہوئے تمام تقرریوں کو عدالت کے فیصلے سے مشروط کر دیا۔اسسٹنٹ پروفیسر تقرر ہونے والی ڈاکٹر عائشہ طارق، ڈاکٹر اسلم اور ڈاکٹر علی سعید کو نوٹس جاری کرتے ہوئے طلب کر لیا ۔عدالت نے پنجاب پبلک سروس کمیشن انٹرویو کمیٹی کے ممبران ڈاکٹر ثاقب شفیع اور پروفیسر ہارون کو بھی طلبی کے نوٹس جاری کردیئے۔مسٹر جسٹس شاہد کریم نے ڈاکٹر احمد سلیمان کی درخواست پر سماعت کی۔ درخواست گزار کا موقف ہے کہ پنجاب پبلک سروس کمیشن نے 22 اسسٹنٹ پروفیسرز کی پوسٹوں پر کوائف طلب کیے۔اس کو ٹیسٹ اور انٹریو پاس کرنے کے باوجود تقرر نہ کیا گیا۔انٹرویو کمیٹی کے ممبران نے اپنے ہی جونیر کو بھی قواعد و ضوابط کے برعکس بھرتی کر لیا۔ درخواست میں استدعاکی گئی ہے کہ عدالت ان تقرریون کو کالعدم قرار دے
