لاہور (لاہورنامہ) مسلم لیگ(ن)پنجاب کی سیکرٹری اطلاعات عظمی بخاری نے کہاہے کہ لاہور میں ایک ماہ میں جرائم کی ریکارڈ وارداتوں میں اضافہ باعث تشویش ہے،ماہ فروری لاہور کے شہریوں کیلئے انتہائی خوفناک رہا ہے،صرف دو دن میں لاہور میں ڈکیتی اور چوری کی 300وارداتیں ہوئی ہیں۔
انہوں نے کہاکہ ایک طرف حکومت عوام کو لوٹ رہی ہے دوسری طرف چور ڈاکو عوام کو لوٹ رہے ہیں۔پنجاب پولیس میں افسران کے تبادلے درجنوں کے حساب سے ہوتے ہیںلیکن جرائم کی شرح میں کمی کی بجائے تیزی سے اضافہ ہورہا ہے۔
وزیراعلی پنجاب اور وزیر قانون پنجاب صوبے کی امن و امان کی صورتحال سے مکمل لاعلم ہیں۔پنجاب میں امن و امان کی تیز ی سے بگڑتی صورتحال تشویشناک ہے۔پنجاب پولیس ظل تباہی اور ریموٹ کنٹرول وزیراعلی کو پروٹوکول دینے کی بجائے شہریوں کو تحفظ فراہم کرے۔
