لاہور: اپوزیشن لیڈر شہبازشریف کا نام ایگزیٹ کنٹرول لسٹ میں ڈالنے کی منظوری دیدی گئی ہے ۔نیب نے اثاثہ جات کیس میں شہبازشریف کا نام ای سی ایل میں ڈالنے کی سفارش کی تھی تاہم نیب کی سفارش اور کابینہ کی منظوری کے بعد نام ای سی ایل میں ڈ ال دیا گیا تاکہ وہ علاج کیلئے ملک سے باہر نہ جا سکیں ۔قومی اسمبلی کے اجلاس میں قائد حزب اختلا ف کا نام ای سی ایل میں ڈالے جانے کے باعث احتجاج متوقع ہے جبکہ گزشتہ روز سندھ اسمبلی کے سپیکر آغا سراج درانی کی گرفتاری پر بھر پور احتجاج دیکھنے میں آیا تھا ۔یاد رہے کہ شہبازشریف آشیانہ ہاﺅسنگ سکینڈل میں جوڈیشل ریمانڈ پر جیل میں تھے جس میں ان کی ضمانت منظور ہو گئی ہے ۔
