لاہور:معروف اداکارہ وماڈل آمنہ شیخ نے کہا ہے کہ پاکستان میں فلمسازی کا عمل بہترین ہورہا ہے اورنوجوان فلم میکرز جدید ٹیکنالوجی پر مبنی فلمیں بنا کرسینما گھروںکی رونقیں بحال کرنے کی کوشش کررہے ہیں ۔
خصوصی گفتگوکرتے ہوئے انہوں نے کہا کہ کسی بھی فلم کی کامیابی کی ضمانت اس کی بہترین کہانی، کرداراورمیوزک ہوتے ہیں۔ خوش قسمتی سے ہمارے نوجوان فلم میکرز جہاں فلمسازی کے شعبے میں جدید ٹیکنالوجی کا استعمال کررہے ہیں اوراس کے ساتھ ساتھ نوجوان فنکاروں کوکام کا عمدہ موقع فراہم کررہے ہیں، جوبہت خوش آئند عمل ہے۔دنیا بھرکی بڑی فلم انڈسٹریوں کی کامیابی کی سب سے بڑی وجہ نوجوانوں کو بہترمواقع کی فراہمی ہے۔
