بیجنگ (لاہورنامہ)چین میں منعقدہ دوسری کنزیومر ایکسپو ہفتہ کے روز اختتام پزیر ہوئی۔چینی میڈ یا کے مطا بق اس دوران، چینی اور غیر ملکی کاروباری اداروں نے پرجوش طریقے سے نمائش میں شرکت کرتے ہوئے خریداری کی، جس سے چینی مارکیٹ کی بھرپور قوت اور زبردست کشش کا مظاہرہ ہوا ہے۔
کنزیومر ایکسپو کے نمائشی ہال میں یومیہ اوسطاً ایک سو سے زائد نئی مصنوعات کی نمائش کی گئی جبکہ سو سے زائد پروموشن سرگرمیاں بھی بھرپور طریقے سے منعقد کی گئیں۔ کنزیومر ایکسپو کے متحرک پن نے پوری دنیا کے نمائش کنندگان کو چینی مارکیٹ کی مضبوط صلاحیت کی جانب راغب کیا ہے۔
چین میں فرانس کے سفیر لارینٹ بلی کے مطابق کنزیومر ایکسپو چین کی جانب سے بیرونی دنیا کے لیے اپنے کھلے پن کو وسعت دینے کا ایک اہم اشارہ ہے۔ انہوں نے چین کے مارکیٹ امکانات کے بارے میں بھرپور امید ظاہر کرتے ہوئے کہا کہ رواں سال ایکسپو میں فرانس ، چین کے علاوہ حصہ لینے والا دوسرا بڑا ملک ہے۔ فرانسیسی کمپنیاں ہائی نان فری ٹریڈ پورٹ کی تعمیر میں حصہ لینے کے لیے آمادہ ہیں۔
کنزیومر ایکسپو کے دوران تعاون کے حوالے سے دستخط شدہ دستاویزات کی مالیت 10 بلین یوآن سے تجاوز کر چکی ہے، جن میں بائیو ٹیکنالوجی، سروس کی کھپت، اور گھریلو زندگی جیسے مختلف زمروں کا احاطہ کیا گیا ہے۔
