دبئی :پاکستان سپرلیگ (پی ایس ایل) سیزن فور کے 17ویں میچ میں لاہور قلندرز نے کوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا۔
تفصیلات کے مطابق دبئی انٹرنیشنل سٹیڈیم میں کھیلے جانے والے میچ میں لاہور قلندرز اور کوئٹہ گلیڈی ایٹرز کی ٹیمیں مدمقابل ہیں۔ دونوں ٹیموں کے مابین ایونٹ میں کھیلے گئے پہلے میچ میں کوئٹہ گلیڈی ایٹرز نے لاہور قلندرز کو شکست سے دوچار کیا تھا۔ کوئٹہ گلیڈی ایٹرز کی ٹیم ایونٹ میں کھیلے گئے 5 میچوں میں سے 4 جیت کر 8 پوائنٹس کے ساتھ سرفہرست ہے جبکہ لاہورق لندرز نے اب تک ایونٹ میں کھیلے گئے 5 میں سے صرف 2 میچ جیتے ہیں۔
