اسلام آباد: وزیراعظم عمران خان کوترک صدر طیب اردوان نے ٹیلی فون کرکے پارلیمنٹ میں قائدانہ اور مدبرانہ خطاب پر مبارکباد دی۔ دونو ں رہنمائوں کے درمیان خطے کی موجودہ صورتحال پر تبادلہ خیال کیا گیا ۔ ترک صدر نے وزیراعظم عمران خان کی بھارت کو امن کی تجویز پر خراج تحسین پیش کرتے ہوئے کہاکہ اسلام امن پسندمذہب ہے اور تنازعات کے پرامن حل کادرس دیتاہے ۔ترک صدر نے کہاکہ بھارتی پائلٹ کو رہاکرنے کا اعلان بھی قابل ستائش ہے اور حکومت پاکستان کا یہ اقدام استحکام کی علامت ہے ۔ وزیراعظم عمران خان نے ترک صدر کوخطے کی موجودہ صورتحال پر اعتماد میں لیا اور کشیدگی کم کرنے کیلئے پاکستان کی کوششوں سے بھی آگاہ کیا۔ وزیراعظم نے ترک صدر کو مقبوضہ کشمیر میںجاری مظالم سے بھی آگاہ کیا۔ وزیراعظم نے پاکستان اور کشمیریوں کی مسلسل حمایت پر ترک صدر کا شکریہ ادا کیا۔
