بیجنگ (لاہورنامہ) یکم جنوری 2022 کو ، آر سی ای پی 10 ممالک میں نافذ ہوا، اس کے بعد جنوبی کوریا ، ملائیشیا اور میانمار میں بھی اس کا نفاز ہوا۔ یوں آر سی ای پی کے 15 رکن ممالک میں سے 13 ممبران نے اسے نافذ کیا ہے۔
ارکان کی جانب سے معاہدے میں طے شدہ اپنے وعدوں کو فعال طور پر پورا کرنے کے ساتھ ساتھ خطے کےمجموعی ٹیرف کی سطح آہستہ آہستہ کم ہوگئی ہے، تجارت اور سرمایہ کاری کی سہولیات میں مسلسل بہتری آئی ہے ، علاقائی ممالک کے کاروباری ماحول کو وقت کے ساتھ بہتر بنایا گیا ہے۔ ہفتہ کے روز چینی میڈ یا کے مطا بق علاقائی اقتصادی ترقی میں آر سی ای پی کے مؤثر نفاذ کے ثمرات بھی ابتدائی طور پر جاری کیے گئے ہیں.
سامان کی تجارت کے نقطہ نظر سے ، چین ، جاپان ، جنوبی کوریا ، آسٹریلیا ، نیوزی لینڈ ،ملائیشیا ، تھائی لینڈ اور ویتنام سمیت آسیان کے دیگر ممبران نے سامان کی تجارت میں مثبت نمو کا رجحان ظاہر کیا ہے۔
وزارت تجارت کے ریسرچ انسٹی ٹیوٹ آف ایشین اسٹڈیز کے ڈپٹی ڈائریکٹر یوآن بو نے کہا کہ دنیا کے سب سے بڑے آزاد تجارتی علاقے کی حیثیت سے آر سی ای پی آزاد تجارت کی ترقی کی سمت کی نمائندگی کرتا ہے ، تجارت اور سرمایہ کاری کی رکاوٹوں کو ختم کرنے کے لئے پرعزم ہے ، اور آر سی ای پی علاقائی معاشی نمو کے فروغ میں مثبت کردار ادا کرے گا۔
