لاہور:پاکستان تحریک انصاف کی رکن پنجاب اسمبلی سعدیہ سہیل رانا نے کہا ہے کہ عمران خان کی دانشمندی سے بھارتی موقف کو دنیا بھر میں شکست ہوئی ہے ، اب دنیا کو علم ہے کہ پاکستان امن چاہتا ہے اور بھارت دنیا میں انتشار پیدا کررہا ہے۔ اپنے بیان میں انہوں نے کہا کہ بھارت کے عوام کو اپنی حکومت سے سوال کرنا چاہیے کہ مقبوضہ کشمیر میں تشدد اور ظلم و جبر سے وہ کشمیری لوگوں کو کیسے زیر نگین رکھ سکتی ہے۔کشمیریوں کی تحریک آزادی بھارتی تشدد کی وجہ سے بڑھتی جا رہی ہے اور آزادی کے سوا کشمیری کوئی بات سننے کو تیار نہیں ۔انہوں نے کہا کہ بھارت ہمیشہ کسی ثبوت کے بغیر دوسروں پر انگلی اٹھا تا ہے، بھارت ظلم و جبر سے اپنے مقاصد حاصل نہیں کر سکتا۔
