اسلام آباد :وزیر ریلوے شیخ رشید احمد آج تین روزہ سرکاری دورے پر ایران روانہ ہونگے۔وزیر ریلوے ایرانی حکومت کی خصوصی دعوت پر قازوین رشت ریلوے روٹ کی افتتاحی تقریب میں شرکت کریں گے۔ایرانی صدرحسن روحانی اس تقریب کے مہمانِ خصوصی ہونگے۔ تقریب چھ مارچ کو منعقد ہوگی۔
تقریب میں شرکت کاخصوصی دعوت نامہ ایران کے وزیر روڈ اینڈ اربن ڈویلپمنٹ محمد اسلامی نے دیاہے جبکہ اس کے میزبان ایرانی صدر ہیں۔ وزیر ریلوے اپنے دورے کے دوران ایرانی صدر حسن روحانی اور وزیر روڑ اینڈ اربن ڈویلپمنٹ محمد اسلامی سے ملاقاتیں بھی کریں گی۔ ایرانی صدر کو وزیر اعظم پاکستان کا خصوصی پیغام پہنچائیں گے۔ شیخ رشید احمد ایرانی روحانی پیشوا آئتہ اللہ سیّد علی خامنائی کو صدر پاکستان کا خصوصی پیغام بھی پہنچائیں گے۔ شیخ رشید پاکستان اور ایران کے درمیان ریل نیٹ ورک کی بہتری اور شراکت داری کے حوالے سے متعلقہ اداروں سے بات چیت کریں گے۔
