لاہور (لاہورنامہ) پنجاب ٹینٹ پیگنگ چیمپئن شپ کی پلاننگ اور تیاریوں کے حوالے سے پی ایچ اے ہیڈکواٹر جیلانی پارک میں اجلاس منعقد ہوا۔
اجلاس میں ڈی سی لاہور رافعہ حیدر نے خصوصی شرکت کی اور ڈی جی پی ایچ اے محمد طاہر وٹو نے ڈی سی لاہور کو ایونٹ کے حوالے سے تفصیلی بریفنگ دیتے ہوئے کہا کہ پنجاب ٹینٹ پیگنگ چیمپئن شپ میں پنجاب بھر کے مختلف شہروں سے 40 سے زائد ٹیمیں حصہ لیں گی۔
پنجاب ٹینٹ پیگنگ چیمپئن شپ کا انعقاد پولو کلب لاہور میں 17، 18 جون کروانے جارہا ہے۔ آئندہ چند روز میں پنجاب ٹینٹ پیگنگ چیمپئن شپ میں حصہ لینے والی ٹیموں اور میچز کے شیڈول کا اعلان کریں گے۔
