لاہور:اداکارہ فضاءعلی نے کہا ہے کہ نجی ٹی وی چینل کے مزاحیہ شو میں میزبانی کرتے ہوئے میں نے اپنے تمام شوق پورے کر لیے ہیں ، شو کے دوران میں نے پنجابی زبان سیکھنے کے ساتھ اپنی گلوکاری کا شوق بھی پورا کیا اس کے ساتھ سینئر گلوکاروں کی پیروڈی بھی کی جس کو عوامی سطح پر بڑی پذیرائی ملی ۔انہوں نے کہاکہ ہمارے شو کا فارمیٹ اس طرح کا ہے جس میں کامیڈین آپس میں بڑے مز ے مزے کی جگتیں کرتے ہیں اور انکی جگتوں سے میں بھی اس قدر متاثر ہوئی کہ اب میں نے خود بھی جگتیں کرنی شروع کر دی ہیں ۔انہوں نے کہا کہ شو کے دوران مجھے اپنی صلاحیتوں کو آزمانے کا بھرپور موقع ملا ۔
