اسلام آباد: پاکستان پیپلز پارٹی کے رہنما سابق وزیر اعظم یوسف رضا گیلانی نے کہاہے کہ جو دس سال جیل میں گزارے مجھے کون واپس کرے گا، جس نے میرے خلاف کیسز بنائے وہ میرے وزیر بنے اور میں ان کا وزیراعظم بنا،22 سال بعد پتا چلا میرے خلاف کوئی کیس بنتا ہی نہیں تھا۔پیر کو احتساب عدالت کے باہر میڈیا سے گفتگوکرتے ہوئے انہوںنے کہاکہ اس کیس سے پہلے دس سال جیل میں گزار چکا ہوں۔ انہوںنے کہاکہ ہائی کورٹ کی جانب سے مجھے بری کیا گیا تھا۔ انہوںنے کہاکہ جو دس سال جیل میں گزارے مجھے کون واپس کرےگا۔ سابق وزیراعظم نے کہاکہ جس نے میرے خلاف کیسز بنائے وہ میرے وزیر بنے اور میں ان کا وزیراعظم بنا،22 سال بعد پتا چلا کہ میرے خلاف کوئی کیس بنتا ہی نہیں تھا ۔انہوںنے کہا کہ جو کیسز ہم بھگت رہے ہیں ان پر اربوں روپے خرچ ہوتے ہیں۔
