کیپ ٹاؤن: جنوبی افریقہ اور پاکستان کے درمیان پانچ میچوں کی ون ڈے سیریز کا فیصلہ کن معرکہ آج کیپ ٹاؤن میں شام 4 بجے کھیلا جائے گا۔ 5 ون ڈے میچز کی سیریز2، 2 سے برابر ہے۔
ہوم کپتان فاف ڈو پلیسز کو اس معرکے سے قبل روایتی انداز سے چوک ہونے کی گھبراہٹ لاحق ہو گئی جن کا کہنا ہے کہ درحقیقت یہ ایک بڑا میچ ہے لیکن اہم بات یہ ہے اسے مزید بڑا نہ بنایا جائے،ممکن ہے کہ اس مقابلے کو بڑا سمجھ کر ٹیم کی حیثیت سے اچھے کھیل کا مظاہرہ نہ کر پائیں۔
قومی ٹیم کی قیادت سنبھالنے والے شعیب ملک کا کہنا تھا کہ وہ ان کھلاڑیوں کو آزما رہے ہیں جن کو رواں سال ورلڈ کپ میں شرکت کرنا ہے اور جنوبی افریقہ میں بہترین ٹیم کیخلاف کھیلنا ان کیلئے سیکھنے کے اعتبار سے سنہری موقع ہوگا۔
