لاس اینجلس:ہالی ووڈ کی مزاح سے بھرپور اینی میٹڈ ایڈونچر فلم اگلی ڈولز کا نیا ٹر یلرجاری کردیا گیا، فلم تین مئی کو امریکی سنیما ﺅ ں پر قہقے بکھیرے گی۔
تفصیلات کے مطابق ہالی ووڈ کی کامیڈی سے بھرپور نئی تھری ڈی اینی میٹڈ فلم اگلی ڈولزکا نیا ٹریلر جاری کردیا گیا، ڈائریکٹر کیلی ایسبری کی ہدایت کاری میں بننے والی فلم کی کہانی ایسی گڑیاں کے گرد گھوم رہی ہے جنہیں کوئی پیار نہیں کرتا ۔
اس کی وجہ یہ ہے کہ نہ تو وہ پرفیکٹ ہوتی ہیں اور نہ خوبصورت اسی لیے وہ ایسے ادارے کا رخ کرتی ہیں جہاں اپنی صلاحیتوں اور خوبصورتی میں نکھار لا سکیں، ان گڑیاں کی شرارتیں دیکھنے والوں کو ضرور ہنسنے پر مجبور کر دیں گی۔
اس کامیڈی فلم کیلئے ڈائیلاگ نامور ہالی ووڈ اداکارایما رابرٹ، نک جونز، گیبرئل اگلییسیاس سمیت کئی فنکاروں کی آوازمیں ریکارڈ کئے گئے ہیں، مزاح اور ایڈونچر سے بھرپور یہ فلم تین مئی کو پردہ سیمیں کی زینت بنے گی۔
