لاس اینجلس : ہالی وڈ کی سائنس فکشن سپر ہیرو کامیڈی فلم ”شازام“ کا نیا ٹریلر جاری کردیا گیا۔ ذرائع ابلاغ کے مطابق ڈیوڈ ایف سینڈ برگ کی سائنس فکشن سپر ہیرو کامیڈی فلم ”شازام“کی کہانی ایک ایسے لڑکے کے گرد گھومتی ہے جسے اچانک جادوئی طاقت کے ذریعے بے پناہ طاقت مل جاتی ہے.
یہ لڑکا اس غیر معمولی طاقت کے ملتے ہی مضبوط جسامت والے نوجوان کا روپ دھار لیتا ہے جسے اس کے دوست تک پہنچان نہیں پاتے، یہ لڑکا خطرناک صلاحیتوں کا استعمال نہ جاننے پر اکثر مشکل میںگھِرجاتا ہے تاہم پھر اپنی طاقت کا اندازہ ہونے پر یہ نوجوان دشمنوں کو منہ توڑ جواب دیتا ہے اور ان کا ڈٹ کر مقابلہ کرتا ہے۔ فلم میں اداکار زیچرے لیوی، عشر اینجل، مارک اسٹروگ، روز بٹلر، ایڈم بروڈی اور دیگر اداکار شامل ہیں۔ فلم رواں سال اپریل میں ریلیزکی جائے گی۔
