لاہور:پیپلز پارٹی پنجاب کے پارلیمانی لیڈر و ترجمان سید حسن مرتضی نے کہا ہے کہ بلاول بھٹو زرداری مقبول سیاستدان ہیںجو عوام کے دلوں میں بستے ہیں ،شیخ رشید جیسے مسخر ے بلاول بھٹو زرداری کے بارے میں کچھ کہنے سے قبل سوچ لیا کریں ورنہ ہمارے کارکنان ان کا گھیر اﺅ کریں گے ۔
انہوں نے اپنے ایک بیان میں کہاکہ حکومت ہمیں بڑی تحریک شروع کرنے پر مجبور کررہی ہے ، بلاول بھٹو زرداری کا ٹرین مارچ ٹریلر ہے جب ہم نے اصل فلم چلائی تو عمران خان کہیں منہ نہیں دیکھا سکیں گے،عمران خان اپنے وزیروں کو لگا م دیں ۔
انہوں نے کہاکہ حکومت ہر شعبہ میں ناکام ہوچکی ہے اور عوام کی توجہ ناکامی سے ہٹانے سے کے لئے نئے نئے معاملات میں الجھایا جارہا ہے ، عوام آج بھی پےپلزپارٹی کے ساتھ ہیں،پےپلزپارٹی ہی عوا م کے مسائل حل کرے گی اورملک کو بحران سے نجات دلائے گی ،پےپلزپارٹی ہی عوامی جماعت ہے ۔
