لاہور ( این این آئی)خوبرو اداکارہ صوفیہ احمد نے کہا ہے کہ میں اپنے کام سے کام رکھتی ہوں اور بلاوجہ کسی کے نجی معاملات میں دخل اندازی نہیں کرتی ۔
انہوں نے ایک انٹرویو کے دوران کہا کہ انسان کو اپنی زندگی گزارنے کے لئے کچھ قائدے قوانین بنانے پڑتے ہیں اور انکی پاسداری کرتے ہوئے وہ ایک اچھی اور بامقصد زندگی بسر کرسکتے ہیں ۔ زندگی میں کامیابیاں اور ناکامیاں آتی رہتی ہیں اگر ناکامیوں سے خوفزدہ ہو کر ہم ہتھیار ڈال دیں تو پھر کامیابیوں کا حصول ناممکن ہو جاتا ہے ۔
انہوں نے کہا کہ میں نے اپنے پورے کریئر میں صرف اپنے کام پر توجہ دی ہے اور بھرپور محنت سے اپنی ایک شناخت بنائی جس کے باعث مجھے خدا نے عزت اور شہرت سے نوازا ہے ۔
انہوں نے کہا کہ میں نے کسی کے ذاتی معاملات میں دخل اندازی نہیں کی اور نہ ہی کسی کو اپنے ذاتی معاملات میں دخل اندازی کرنے دیتی ہوں ۔
