دبئی(اے پی پی) پاکستان اور آسٹریلیا کے درمیان پانچ ایک روزہ بین الاقوامی کرکٹ میچوں پر مشتمل سیریز کا چوتھا میچ (آج) جمعہ کو دبئی میں کھیلا جائے گا۔ آسٹریلوی ٹیم کو پاکستان کے خلاف پانچ ون ڈے میچوں کی سیریز میں 3-0 کی فیصلہ برتری حاصل ہے۔
آسٹریلیا نے پہلے میچ میں پاکستان کو 8 وکٹوں سے شکست دی تھی، دوسرے میچ میں کینگروز نے پاکستان کو 8 وکٹوں سے مات دی جبکہ تیسرے میچ میں آسٹریلوی ٹیم نے گرین شرٹس کو 80 رنز سے شکست دیکر 5 میچوں کی سیریز میں 3-0 کی فیصلہ کن برتری حاصل کر رکھی ہے۔
دونوں ٹیموں کے درمیان سیریز کا چوتھا میچ آج جمعہ کو دبئی میں کھیلا جائے گا جس میں کامیابی کےلئے دونوں ٹیموں کے کپتانوں نے بیانات دیئے ہیں۔ آسٹریلوی ٹیم پاکستان کے خلاف مسلسل تین میچ جیتنے کے بعد سیریز کے آئندہ دونوں میچوں میں بھی کامیابی کے لئے پرعزم ہے۔ اس اعتبار سے توقع کی جارہی ہے کہ دونوں ٹیموں کے درمیان سیریز کا چوتھا میچ سخت اور کانٹے دار ہوگا۔
دونوں ٹیموں کے درمیان سیریز کا چوتھا میچ آج جمعہ کو دبئی میں کھیلا جائے گا جبکہ پانچواں اور آخری میچ 31 مارچ کو دبئی میں ہی کھیلا جائےگا۔
