لاہور ( این این آئی) وزیراعلیٰ پنجاب سردار عثمان بزدار سے وزرا، اراکین اسمبلی، سیاسی رہنماﺅں ،سماجی و کاروباری شخصیات اور افسران نے ملاقاتیں کر کے انکے والد سردار فتح محمد خان بزدار کے انتقال پر دکھ اور افسوس کا اظہار کیا ۔
وزیراعلی سردار عثمان بزدار سے ان کے والد کے انتقال پر دلی ہمدردی اور اظہار تعزیت کیا گیا اور تعزیت کرنے والی شخصیات کی سردار فتح محمد خان بزدار مرحوم کے ایصال ثواب کیلئے فاتحہ خوانی کی ۔
وزیراعلی سے تعزیت کر نے والوں میں صوبائی وزیر آبپاشی محمد محسن لغاری، اراکین قومی اسمبلی ڈاکٹر سیمی بخاری، محمد عاصم نذیر، ثنا اللہ مستی خیل، اراکین صوبائی اسمبلی سعید احمد سعیدی، نذیر احمد چوہان، سردار عمر مہر، سابق رکن اسمبلی بلال اعجاز، چوہدری اشفاق،رمیزہ نظامی، لیاقت انصاری ، سپیشل سیکرٹری سیکنڈری ہیلتھ اینڈ میڈیکل ایجوکیشن، ڈی جی پنجاب فوڈ اتھارٹی اور دیگر شخصیات شامل تھیں۔
