لاہور (ا ین این آئی) پنجاب سیف سٹیزا تھارٹی اسلام آباد سیف سٹی پراجیکٹ کی جدید خطوط پر اپ گریڈیشن میں تعاون کرے گی ۔اس ضمن میں پنجاب سیف سٹیز کی ٹیکنیکل ٹیم نے اسلام آباد سیف سٹی پراجیکٹ کادورہ کر کے اعلیٰ سطحی ٹیم سے اپ گریڈیشن بارے مشاورت کی ۔
اسلام آباد سیف سٹی حکام نے بتایا کہ اسلام آباد کو مزیدمحفوظ بنانے کیلئے پنجاب سیف سٹی پراجیکٹ کے تجربے سے مستفید ہوں گے۔ ترجمان سیف سٹیز کے مطابق پنجاب سیف سٹیزا تھارٹی اسلام آباد سیف سٹی پراجیکٹ کی اپ گریڈیشن میں ہر ممکن تکنیکی معاونت کرے گی،اتھارٹی کی تکنیکی ٹیم اسلام آبادسیف سٹی پراجیکٹ اپ گریڈیشن کے لیے 2 بار دورہ کرچکی ہے۔
اتھارٹی کی جانب سے اسلام آباد سیف سٹی حکام کو ضروری ڈرافٹ بھی بھجوایا جا چکا، پنجاب سیف سٹیز اتھارٹی اس سے پہلے کوئٹہ اور کراچی سیف سٹی پراجیکٹ کیلئے بھی تکنیکی راہنمائی فراہم کر چکی ہے۔
