لاہور:معروف اداکارہ ماہرہ خان کو پی ایس ایل سیزن فور کیلئے پاکستان سپر لیگ کی فرنچائز پشاور زلمی کی برانڈ ایمبیسیڈر مقرر کر دیا گیا۔ اس کا اعلان پشاور زلمی کے چیئرمین جاوید آفریدی نے ٹوئٹر پیغام کے زریعے کیا۔ اعلان میں انکا کہنا تھا کہ وہ ماہرہ خان کو ایک بار پھر زلمی فیملی میں خوش آمدید کہتے ہیں۔ ماہرہ خان پشاور زلمی کی بڑی سپورٹرز میں سے ایک ہیں اور پی ایس ایل تھری میں بھی پشاور زلمی کی ایمبیسیڈر اور دبئی میں ہونیوالے میچز اور کراچی میں ہونیوالے پی ایس ایل فائنل میں پشاور زلمی کی سپورٹ کے لیے موجود تھیں۔
