مانسہرہ (این این آئی)مانسہرہ میں شاہرائے قراقرم پر غازیکوٹ کے قریب تیز رفتار ٹرک نے بریک فیل ہونے کی وجہ سے متعدد گاڑیوں کو روند ڈالا، حادثے میں 15 افراد زخمی ہوگئے جن میں5 کی حالت تشویشناک ہے ۔
پولیس کے مطابق مانسہرہ کے علاقے غازیکوٹ میں مٹاں والی زیارت کے قریب تیز رفتار ٹرک بریک فیل ہونے کی وجہ سے مخالف سمت سے آنے والی کئی گاڑیوں سے ٹکرا کر الٹ گیا۔
حادثے کے نتیجے میں خواتین سمیت 15افراد زخمی ہو گئے، زخمیوں کو ڈسٹرک ہیڈ کوارٹر ہسپتال مانسہرہ منتقل کر دیا گیا۔جہاں پر 5 زخمیوں کو تشویشناک حالت میں ایبٹ آباد میڈیکل کمپلیکس ریفر کر دیا گیا۔
